Područja pod šumom u regionu Rostov, na jugu Rusije, zahvatio je požar koji se sa inicijalnih 500 proširio na 700 hektara, izjavio je danas zamjenik guvernera Vadim Artjomov.
“Šumski požari šire se u okrugu Tarasovski. Jutros je ustanovljeno da je vatra zahvatila više od 700 hektara šume. Trenutno 4 šumska požara pustoše šume u Rostovskoj regiji”, izjavio je Artjomov, prenosi TAS S.
Ministarstvo za vanredne situacije Rusije saopštilo je da su u akciji gašenja šumskih požara angažovana 462 pripadnika vatrogasne službe, 131 tehničko-inženjerska jedinica i vatrogasna vazduhoplovna služba, a rusko ratno vazduhoplovstvo je uputilo 6 vojnih aviona da pomognu u gašenju vatrene stihije.
