U velikom finalu Australian Opena, prvog Grand Slama sezone, na kultnoj Rod Lejver Areni (Rod Laver Arena) u Melbournu, Karlos Alkaraz (Carlos Alcaraz) i Novak Đoković odigrali su još jedan vrhunski meč koji je u potpunosti opravdao epitet sudara generacija.
Karlos Alkaraz je na kraju slavio s 3:1, po setovima 2:6, 6:2, 6:3 i 7:5 poslije nešto više od tri sata igre.Đoković je bolje otvorio susret i u prvom setu pokazao zašto važi za apsolutnog vladara australijskog tla. Ranim brejkom je preuzeo kontrolu, potom sigurnim servis-gemovima održavao prednost i prvi set riješio u svoju korist rezultatom 6:2.
Do same završnice četvrtog seta nije bilo brejkova. Oba tenisera su držala visok nivo servisa, a gemovi su prolazili bez većih oscilacija. Alkaraz je u nekoliko navrata bez izgubljenog poena osvajao svoje servis-gemove, dok je Đoković uspijevao odgovoriti pod pritiskom i ostati u setu.Pri rezultatu 5:5, Alkaraz je ponovo sigurno odservirao i poveo 6:5, čime je natjerao Đokovića da servira za ostanak u meču po drugi put, te iskoristio prvu meč loptu i postao još jedan od tenisera koji je osvojio sva četiri Grand Slama.Španski teniser je tako došao svoje sedme Grand Slam titule i prve u Melbournu, dok je Đoković jurio istorijsku 25. Grand Slam titulu, kao i jedanaestu na Australian Openu, ali upisao je prvi poraz u finalu prvog Grand Slama sezone.Tok uživo: Đoković – Alkaraz 1:3 (6:2; 2:6; 3:6, 5:7)
