Damir Košević iz Omiša koji ima rijetku bolest treba ići na liječenje u Ameriku za šta mu treba još 45.000 eura, a među brojnima koji nisu ostali imuni na vapaj čovjeka u potrebi je i njegov prijatelj Ivo Pešić- Golub koji prodaje i svoj automobil.
Na aukciju je stavio svoju Mazdu 626 s početnom cijenom od 500 eura. Pričekaće do nedjelje kako bi vidio ko će ponuditi najviši iznos za automobil, a sav novac će, kaže, ići Damiru kojem je za liječenje ukupno potrebno 100.000 eura.
Damir Košević iz Omiša koji ima rijetku bolest treba ići na liječenje u Ameriku za šta mu treba još 45.000 eura, a među brojnima koji nisu ostali imuni na vapaj čovjeka u potrebi je i njegov prijatelj Ivo Pešić- Golub koji prodaje i svoj automobil.
Na aukciju je stavio svoju Mazdu 626 s početnom cijenom od 500 eura. Pričekaće do nedjelje kako bi vidio ko će ponuditi najviši iznos za automobil, a sav novac će, kaže, ići Damiru kojem je za liječenje ukupno potrebno 100.000 eura.
- Većina ljudi u Omišu i okolici zna za situaciju u kojoj se našao naš sumještanin i moj prijatelj Damir. Upoznali smo se, a nismo ni planirali. Stavili su nas u isti razred još u prvom osnovne i od tad do dan danas smo ostali, jednom riječju, vrhunski. Taj naš razred je dan danas na okupu, nalazimo se svake godine i uvijek u velikom broju. Strašni su ljudi u tom razredu, mogu reći – ljudine – ispričao je Ivo, prenosi Slobodna Dalmacija.
Nekidan je, kaže, pričao s Damirom i pitao ga:
- “Mališa, šta misliš, hoće li se uspjeti skupiti tih 100.000 eura, je li blizu cifra?’ A on govori: ‘A nadam se.’ Priča mi i svako malo zahvaljuje svima pa opet priča, nabraja i zahvaljuje. Meni neki grop u grlu, ne znam što bih rekao. Govorim da će sve biti dobro i da će se skupiti novac za priliku za život – ispričao je Ivo.
Dodaje da su još malo pričali, dali ruku jedan drugom, zagrlili se i svako na svoju stranu.
- Od tad me muči jesam li ja kao prijatelj napravio sve za Damira da mu pomognem. Zato sam se odlučio na ovaj još jedan mali korak. Trenutno u svom voznom parku imam jedan skuter i jednu legendarnu Mazdu 626. Odlična je iako je u zavidnim godinama i prošla skoro 400.000 kilometara. Odlučio sam je dati na aukciju – ko ponudi više, njegova je – napisao je Ivo na Facebooku.
Post je završio znakovitim riječima “Ča smo na ovom svitu, čovik se upita?”
Vojnik iz Omiša otac je šestogodišnje djevojčice i suprug Nine Stanić Košević, a u zadnjih godinu dana obolio je od retroperitonealne fibroze, drugim nazivom – Ormondove bolesti.
Jedini u Hrvatskoj ima ovu tešku bolest koja napreduje brzo, a bolovi su mu naprosto neizdrživi.
Nezaustavljivo povraćanje, proliv, temperatura od 40 i bolovi u abdomenu i leđima postali su njegova svakodnevica. Trenutno mu pomoći u Hrvatskoj nema. Šansa za liječenje postoji, no da bi se to dogodilo trebao bi otići u bolnicu u Ameriku u kojoj bi trebao biti hospitalizovan 6. jula.
