Nadzorna kamera snimila je bolničara Marka Titlija (58) iz Velike Britanije kako pokušava da ukrade novac od 94-godišnje žene koja se srušila i umrla neposredno prije toga.
Titli je odmah posegnuo za gotovinom, a na snimku se vidi kako drži 60 funti u džepu i gleda u kameru prije nego što je brzo vratio keš, tamo gdje ga je našao.
Sin pokojne žene je kasnije vidio šta se dogodilo kada je pregledao snimak i prijavio Titlija policiji Zapadne Mersije. On je bio jedan od četiri bolničara koji su pokušali da spasu život 94-godišnje žene nakon što se onesvijestila u svojoj bašti.
Bolničar je policiji najpre rekao da je želeo da skloni novac kako bi ga dao porodici starice, ali je kasnije priznao da je riječ o krađi. Lopov je osuđen na 18 nedjelja zatvora, uslovno na 12 mjeseci, i određeno mu je 120 sati društveno korisnog rada. Takođe mora da plati 530 funti troškova za pokušaj krađe i 187 funti naknade za žrtvu.
Na sudu je naknadno rečeno da je Titli otišao u penziju nekoliko dana nakon incidenta, a svjedočio je i pomoćnik glavnog medicinskog službenika Nejtan Hadson.
– Dobijamo povjerenje kada uđemo u nečiji dom i ovakvi postupci s pravom narušavaju našu reputaciju što je za duboko žaljenje i otežava naš posao – izjavio je on.
Iako se slučaj dogodio u junu prošle godine, snimak je tek kasnije pušten u javnost.
titox/press
